溫度日記
Hearty Journal

Reminder (每日都要提醒自己)
過咗一星期喇,期望越大 失望越大 啲男人係咪個個都係咁,永遠得把口講,我唔係唔想見你,我唔係唔想陪你,我唔係唔想過嚟。。。 咁係咩? 點解我仲未醒覺?點解我仲每一日都希望見到你?點解我仲係未死心? 醒下喇,呢啲情景只有拍戲先會出現,男人擁有過就唔會記得你,最好無手尾跟。 都失望左咁多日,仲諗黎做乜?等離婚手續搞掂,揾過第二個,蠢到而家都仲未知,自己俾人玩,都嘈左咁多次,唔過嚟係代表,佢唔覺自己有錯,或者佢都已經唔記得咗你喇,傻婆。。。 將啲時間放係下一個人,唔好再對佢咁大期望,根本佢就係吊住你隱。 一個人真係愛你,唔會捨得一日唔見,半日唔通電。都係果句,佢都係愛自己,自私既人,諗吓你由一開始負出咗幾次時間,幾多錢,幾多精神,幾多幾多野係佢身上?開心又點?最後搞到傷痕累累。最傷係你自己,你仲諗住佢好果方面?只會繼續傷落去,諗住佢點忽略你點掉低你,有時間做自己嘢都唔會陪你,訓覺都唔陪你,你為咗佢,放棄咗幾多野,已經無野欠佢,唔好再覺得自己錯。 身體狀況精神狀態 受最傷都係你自己。 忘記佢啦忘記佢啦 佢唔會為咗你做任何野,佢已經唔係以前最錫你嘅Tony喇。無人再愛你。佢只會愛自己。佢就連過嚟偷偷望下你都厭浪費時間,仲諗佢會點哄你,唔好傻啦。 ——————同自己講完——————

溫度日記 Hearty Journal