今日天氣很差，心情又很底落，可能訓得唔好，隻眼又痛又乾。 做做下野，有個同事問我，你隻眼做咩？我話我做完手術，所以腫，無事嘅，佢話，唔係呀，你眼白咁多色既，我話我之前都有，你無見到姐😅佢話之前有咁多咩🤔之後走咗，到我去廁所照鏡先發現，係喎，點解多咗咁多既，唔止側邊，就連上面都有，仲要好近曈孔，突然個心振一振，出返去繼續做野，不過對眼已經全日都好唔舒服。 到咗3點，grace上左黎要開會，因為佢之前飛咗，所以手術後，佢都係第一次見我，佢一望我，又係話我啲色素點解咁多，佢好驚，因為佢話好怕我好似我哋一個同事咁，慢慢曈孔俾呢啲色素入侵左，之就開始睇唔到野，俾佢講完，我仲驚，我真係唔知可以揾邊個呻，你又唔再理我，我果刻好想好想話你知，所以我放上ig，unblock左你，再set公開account，但. ….可能你已經放低左我，岩既。又係我話要分開，但又唔捨得，想對方嘅時候，就想對方出現，好好地既時候，又叫對方走，當人哋係咩喎，我真係好賤。 所以，我選擇同terry講，我真係無人可以同我分析，我應該點，最後揾左個眼科醫生，聽日打電話去約。terry知我好驚，不停開解我，當初佢一開始就叫我搵Tony，佢應該識點做好嘛，或者介紹下都好，我最後忍唔住話，我哋分開咗。講左小小blackgroup，佢話佢無諗過Tony會放棄我，我話係我自己嘅問題先，唔怪得佢，佢唔理我係一件好事，佢需要嘅人，唔係我。我哋唔會有好結果，早啲完，傷害小。 佢突然之間講左一句，當初決定簽字離婚，就係因為相信我同Tony會好幸福，佢一定比佢自己更加錫我，但如果我哋而家分開咗，佢唔會俾我自己一個人行之後既路，叫我俾多次機會佢，佢話佢知呢一刻，我一定會say no，佢知我仲好愛Tony，但時間可以改變一切，佢會慢慢等我，一日未收到信要我哋最後confirm離婚呢個程序，佢都會努力做好自己。。 ………我唔識答，我無覆過佢。 不過無可否認一點，時間真係會令一切改變，甚至乎忘記一個人，一定係我眼同腦都開始有事，我開始對Tony既樣越嚟越曚糊，佢嘅背影好似離我好遠，我伸手都捉唔住。。。。 你今日過成點？覆診係咪已經康復？定還是你已經飛咗去玩？ 仲記唔記得你應承我既北海道？我諗我呢一生人都唔會有機會去到。。