今日眼睛👀好左啲，嘗試戴返con，因為夜晚約咗舊同事食飯，佢哋簡直係我伯樂同啟蒙老師，尤其係淺色衫，佢叫YY，佢係由我入渣打睇到我大，教左我好多好多野，以前我同佢簡直係媽媽同囡囡，佢見證住我成長，但自從佢離開渣打之後，就小左聯絡。 今日我又好論盡，急住去瑜珈，衝過馬路，差啲俾車撞到，我覺得自己將來死咗原因一定係意外。。 唉。。呢一兩日發現右邊條頸腫腫地，禁佢都唔痛，佢係咪又抗散咗？我應唔應該約早啲醫生覆診，本來係月尾先覆診。但我唔想知。。。 個人好攰，仲係未放低你。。。今日係公司樓下等埋另一個同事先出發去食飯，我見到好多人行黎行去，我又好驚，心跳得好快好快，我望住玻璃門出面，好似見到你企左係度等我咁，再用力眨眼，原來係幻覺，我都知唔會有機會係呢度再見到你，不過我都好怕見到你，我怕我心軟唔捨得，又怕見到你拖住第二個。又黎滿腦子幻想。唉。。。。