星期一，個人好攰，因為前一晚訓唔著，成4點先訓，滿腦子都係同你一齊嘅畫面，我感覺到我眼球好似只要你，太慣性，見到咩都想買俾你，今日見到一大桶士多啤梨酸糖，望住桶糖笑咗出嚟。 仲記得，你話今個星期覆診，好想知你好啲未？傷口復原點？仲痛唔痛啊？ 定還是，你覆完診，已經飛咗去玩？ 你真係講得好岩，我真係成日發白日夢，幻想童話故事，成日都諗，你係咪已經慢慢咁忘記咗我喇？係咪已經習慣無左我喇？係咪已經有第二段感情既開始喇？如果係，其實好事，我根本真係多餘嘅人，曾經出現係你生命中一粒塵。 我成日都覺得，你好叻，咩都識，工作上又好叻，唔似我，咩都亂晒籠。我又開始封閉自己喇，你知道嗎？ 慢慢，我自己一個要去諗之後條路點行。究竟我一個人，可以嘛？ 最近嘅我，好似無左檸檬茶引，變得可飲可唔飲，唔知係咪心情影響胃口。 又兩點半喇，我又做家務做到而家，為咗唔好停落嚟諗住你。我知我得家。但我對眼好攰，又紅又腫咁 頭先我又收到中獎email, 唔知點解又係好想同你分享，咩都慣咗話你知，medicube 最後一支，我都有喇，我應該係要好開心，但我都係無咩感覺咁，我會唔會慢慢變得好平淡，無心情起伏咁，所有野得過且過咁？ 究竟。。。之後會點？我條路會點？ 好啦。我對眼好攰，要訓喇，你知道嗎？我每晚訓之前都會播你既錫錫聲先訓得著，我係咪好傻啊？goodnight 🥰