假期加病假已經完，聽日就要返工，但我同你都仲係未見過面，連樓下看更都睇住我隻眼慢慢好返，你都未見過我個傷口，其實係好事，我太樣衰。 今日真心好想好想見你，一早出咗去藍田，諗住拎passport, 但原來係要本人先得，11點，我企左係地鐵站，我究竟去邊好，不自覺地禁左坑口，因為百達通欠左錢，去到轉車油塘，我知道你好嬲我前一晚講既野，我落咗車，去咗中環，我用平時行路減慢10倍行。。行行行，行下又坐下海傍，望住個海，望住啲雀仔，我個腦停頓左。放空了。 對腳慢慢行去坐船去長洲，我忍唔住send左俾你，因為我係放緊兩日病假，我唔可以post ig story，入到長洲，好多人好多情侶，個個一對對，一家人。我就自己一個人坐喺側邊食嘢，之後行左去沙灘。又諗返我哩埋果一個位，傻仔咁笑左出嚟。 我好希望坐坐下你會出現，一個鐘。兩個鐘，三個鐘，已經夜晚7點。你都未出現，可能個人好心荒，又多人好驚。我開始心跳快，呼吸困難，忍唔住係船喊左出嚟，所以又再一次發你脾氣，仲發到顛左，喊哂錄音，啲人講得好岩。每個人既眼淚一定要定期流出嚟，排毒咁。我喊到對眼都腫晒，我好忍心，好心痛咁block and unfollow你既ig, block WhatsApp。我好唔想禁落去，我知道我一禁unfollow，我返唔到轉頭。但我選擇咗離開你，因為我心累眼累腦累。。 對唔住，我唔想你照顧一個病人，我好怕你見到一個好醜樣既我，我好希望你記住一個幾咁貪靚，出街要成個鐘先出門口嘅我