自從認識左你之後，我經常都好想周圍去，慣咗自己一個人咩都試吓，去韓國，去睇戲，自己食飯，以前嘅我，一定一邊食一邊好怕人笑我。 今日去咗西貢，之前一直都話好想同你去，又好近你屋企，我專登係ig post story，唔知你會唔會又好似之前咁突然之間出現，本身對你都有啲信心，始終，近你屋企，你又應承過陪我家嘛。但唔知點解，我個心話我知，唔好期望，唔記得咗之前失望左幾多幾多幾多次咩？ 但唔知點解，我仲係咁傻仔，係度行黎行去等你，原來得我一個人係度原地踏步，所有野所有人都向前行緊。 回程嘅時候，我專登係將軍澳醫院落車，話就話行下，回憶下感覺，其實個心係好想撞到你。係你樓下，坐下5分鐘坐下又5分鐘，開始天黑開始大風，我知你當日去考牌，我個心話我知，唔准怪責佢，係得你先咁得閒周圍hea。。嗯，回家吧