隨住BB既離開，你既忙碌工作，我哋見面越嚟越小，一般嘅情侶，會傾電話，但我唔係一個背景清白嘅人，我知自己俾唔到拍拖感覺你，我爭取好多機會，好多時間去陪你，無論你工作幾忙，都有我係你身邊陪伴你，支持你。 7月24，係我第一次準備你嘅生日，我不停要同自己講，要令你難忘。要令你開心，驚喜。去整屬於你獨一無二嘅手錶，我知整得唔靚，但都希望你鐘意。 去整cake，book定一個好好view既餐廳。 本來我係一個不計較負出既人，為既係希望身邊所有人都開心幸福，我做到既就一定會做。但人真係會攰，負出得多既時候，心會累，精神狀態會唔好。個腦就不停同自己講，點解我要做咁多樣，我又要照顧後面既家庭，又想照顧好你。個心就有魔鬼話我知。。。 你。。變。。左。。 你開始忽略我，開始介意我嘅說話，開始覺得我既負出係習慣，慢慢。我哋越行越遠，好似狼來了一樣，你知道，我嬲同發脾氣係慣性，唔需要再理會，第一次冷靜一兩日，第二次冷靜一星期，第三次冷靜半個月，每次我都解釋點解我會咁，但每次冷靜過後就無左件事，我好似望住你行到好遠。我嘅生日，已經無任何準備，無小小驚喜，唔會再出現係我附近。休息訓覺已經佔據左我嘅位置。我慢慢同你距離好遠好遠好遠。