好榮幸可以出席你嘅大日子，完全無諗過自己會踏入大學嘅校舍，一直以黎，我就好似灰姑娘咁，無接觸過出面嘅世界，一直都係困係屋企同公司，甚至乎身邊既都係得terry同小朋友，我覺得自己，好似淨係活係自己既世界，就算新聞我都唔睇，電話對於我來講，係打出打入。但自從你嘅出現之後，我發現原來出面係多姿多彩，我係你身邊就係好似一個小妹妹咁，不過，我都係一直好介意自己年紀大過你，甚至乎我有家庭。 我哋呢段時間有開心，有唔開心。我成日無端端又話要分開，講分開嘅次數多過見面，原因就係，我對自己好無信心，又覺得自己好無用，又怕自己連累你，試諗下以前一個出街都唔覺眼，人群中只係一粒塵嘅c奶，唔打扮，著衫又肥又醜，只有一段感情經驗嘅我，點會諗過，有人鐘意，有人會想照顧自己。簡直天方夜譚。