仲記唔記得呢一日，一直以黎，其實我都知自己對眼同個腦有事，好似一個計時炸彈咁，隨時都會爆炸，所以我都無諗過我哋關係會咁快，加上一直以來，我都係握緊你，我知道自己只可以同你做朋友，我亦都無諗過放棄自己嘅家庭，所以我諗住送啲嘢俾你同Samuel，我知道自己好過份，雖然件事起頭既係terry，但係我明知有問題，就唔應該約或者被約。 見到ig，你鐘意錶，簡左好耐，我又唔識，同你又未去到好深，又唔知你鐘意咩色，萬一送左，你厭cheap會點，你唔鐘意隻色又會點🤦🏻‍♀️唉。呢個就係我，咩都好多顧慮，又驚呢樣果樣。做左好多re search，希望你會鐘意。諗住送完隻錶，我就會消失。究竟我同你係咪真係個天既安排？還是真係有前世今生？ 咁啱就嚟中秋節，公司送左好多生果籃黎，你話你同河馬食飯，問我黎唔黎？我就傻更更咁拎住勁重既果籃同一大堆禮物，坐的士送去俾你，呢一晚，係我哋第三次約會，亦都係我第一次見你嘅朋友。 我又失敗左，都話左要消失，我有家庭又大你咁多年，你同你啲朋友都好細，我有啲自愧不如同心虛。但我真係好鐘意見到身邊嘅人都開心，仲記得你拎住個盒，仲未拆隻錶。呢一晚，我又話俾自己知 黃。美。蓮。你。要。消。失。喇。