有好多人都問我一個問題，問你已經傷我傷得好澈底點解我都會繼續同你一齊。其實我都唔知點解…起初嘅時候我係有諗過你選擇我只不過係你同細芊之間出現問題而我就係做你嘅水泡。對於你係外面…有無溝女或同其他女仔瞹眛我唔想知，唔想理。我知自己同你唔會有將來，對住你屋企就算係點嘅睇法我都唔能夠去改變。我都唔強求d咩嘢…過得一日未一日囉…你有嘅係條件我明白你仲可以有更好嘅選擇。當我變成你嘅秘密時，坦白講我其實真係好唔開心。我會係到諗拍拖係兩個人嘅事點解將所有嘅錯推曬一方呢？唔係應該雙方一齊承擔一齊改善? 唔通你真係打算我永遠做你嘅秘密？我連搵你都要好似偷偷摸摸咁，我其實唔開心架。我唔係迫你做d咩，但有時我想你知你總係顧自己忘記左我感受。