今日心情有d複雜，早上發生左一d小插曲。 初時真係有d嬲佢點解又發我脾氣，明明我都無做錯事。 不過當望到佢好攰訓到好冧個樣時…自己都有d銀住銀坐嘅感覺。唔知佢係未知我唔開心，佢一起身就對我好溫柔十年難得一見嘅溫柔。 唔知呢個咁溫柔嘅佢會維持到幾耐呢？ 我唔敢去抱好大嘅期望，我唔想再失望落去。 每次失望我地都總係會為小問題嘈一大餐，其實我真係好攰，唔想小小嘢都嘈。如果你真係在乎我，你可唔可以多d關心我? 我要嘅嘢好簡單只在乎你會唔會願意咁做。但今日我睇得出你係緊張我著緊呢段感情，你真係一個令到我覺得好矛盾嘅人。明明係好嬲你但你一對我好我就將舊事忘記，變成嬲你唔落。 到底你係未俾左迷藥我食?我總係離唔開你… 總係過住又愛又恨嘅日子。 我地一齊捱過每一個難關好嗎？ 唔好咁輕易唔好咁兒戲對待呢段感情好嗎？ 我地一齊努力搵返那種甜蜜好嗎？ 我地彼此珍惜對方好嗎? 最後你能夠為我一心一意嗎?呢d問題我好想你會認真去諗完之後答我。