一個人坐係樓梯呆呆聽住歌，等一個唔知會唔會黎嘅人。自己都自嘲自己好on居!!竟然專登出樓梯口等佢嘅出現。一路坐一路重聽又重聽【你是我的唯一】，個心不禁好自然咁痛眼淚好自然咁一滴一滴咁流過塊臉滴落大脾。【你是我的唯一我是你的幾分之一關於愛情的分母你的說法很模糊你是我的唯一我是你的幾分之一我要完整的幸福你不是絕對辜負我也不是無辜誰也算不清楚如果愛情可以數那我肯定是輸你也不必介意我的孤獨可惜愛情是個未知數而我總是算不出我其實很在乎你的追逐我只是一個愛情的信徒等待有一天能贏回你的全部】 我好想打俾你，好想同你講掛住你。但我唔敢去打俾你去煩你。有好多說話已經唔敢再向你講出心聲… 點解我只想見下你都總係咁困難? 我坐左係樓梯諗左好耐到底我係未應該放棄。我真係無力無勇氣再行落去… 曾經以為你係我嘅終點站，但原來我坐緊果架巴士只係途經你呢個終點站，而唔係到達目的地你呢個終點站。當你講我從來都只有增加你負擔，無話幫輕一下嘅時候… 澈底咁將我一直對你嘅堅持粉碎。我所做所付出嘅都只係做成你嘅負擔，依家嘅感覺唔係比死更難受而係個心痛到都唔知係未痛緊，好想喊但眼淚已經滴光曬。我明白到只有自己先係自己依靠，只有自己唔會嫌棄自己，只有自己唔會離開自己。我係好愛呢個男人但呢個男人從來都無嘗試進入我嘅內心世界睇睇入邊係點。曾經因為佢而變彩色嘅天空再次變返灰色，而之後我相信好難會再次將我內心世界打開。經過一次又一次嘅傷害我真係好驚付出好驚再愛任何一個人。因為我真係傷得好重，而我嘅傷口從來佢都無在乎過。