本來約好左小瑩10號晚同阿嫲食生日飯,點知起步前佢先話唔去,原因係乜我冇追問,就算有些少失落都冇發佢脾氣。去到酒樓當然比人扭耳仔啦......當我同小瑩講比人扭耳仔,佢出奇地話指片唱歌比阿嫲氹返佢,嗰刻係開心嘅,佢肯為我氹阿嫲。食飽散band就入左元朗同光仔飲酒慶祝生日,坐低一陣突然好想見佢,WhatsApp叫佢就即刻話出黎,我即刻就飛的去天悅接佢,去到樓下等左大半個鐘先見到佢。。。又熱又多蚊咬,正常嘅我等3個字唔見人就走左,但係小瑩嘅魔力令我變得有耐性兼且唔發脾氣,佢真係令我好著迷!喺的士途中,傾傾下閒計佢講只要我做到100分就會成世跟住我,我聽到當然大反應啦。雖然好似好難做到,不過就算幾I難我都唔放棄,因為我好想可以真正擁有佢!返到Neway,佢同人傾左陣就話要搵邊個細妹條仔,一去就冇回頭。直到我走先打比佢,佢先話一早走左。。。我即刻灰晒冇晒心機,所有怨念走晒出黎,我強忍住火爆嘅情緒同佢收左線,因為我要做到佢心目中嘅100分!呢刻我好唔開心,亂諗一大堆嘢,但係我唔會亂黎,唔會比自己重覆犯錯。希望佢真係會氹返阿嫲啦!