我記得，嗰晚曼妮發燒，你四圍幫我搵藥房買藥送到我樓，第一次比男人入我間房，曼妮瞓咗，一張單人床，兩個大人一個幾個月大嘅小朋友打橫咁瞓，因為房好細，連招呼你嘅地方都冇，我又要哄曼妮瞓，所以屈就你喺靠牆位置！ 我記得嗰陣你好大隻，手臂好粗壯，好想攬住你！ 記得嗰晚我地第一次咁近，好近！ 你最叻就係突然做啲出人意表嘅事，令人一直記住！ 乜嘢叫做心跳加速？乜嘢叫做心動？ 只係喺你身上感受到。 每次都要求自己以最好狀態，最靚嘅樣，然後急不及待見到你，所以每次我都坐的士，因為連掛住你都唔希望有其他人打擾我掛住你！ 無論我幾煩幾惡鬧你我都一樣咁愛你！ 從來冇改變過，因為無法改變！