星期六，今日真係要出下街，再唔出會悶死。約左個朋友食飯，講關於你既野佢知，佢都笑尻我未正式見就沉船係咩料😅 我又太熱情，一定嚇親你！唉～我都知，對唔住啦😣咁我係個直腸直肚既人黎麻🥲 我慣左有咩情感都會顯示/表達出黎。收收埋埋真係唔太岩我性格。 咁傾偈時講起你話你對愛情而家好謹慎、會想同果個人相處好耐、認識好耐、考慮好耐先會一齊。我唔係話完全唔同意你講，我知道唔係話要速食，但我覺得愛情係需要有一霎那既衝動，愛情本身就唔係一個理智既野黎，可以考慮但唔可以係考量，但你對果個人太多計算思考就會變考量。愛情一開始本應該係激情，如果唔係那來最初的蜜月期，個個諗過度過一段長時間先一齊，咁都變老夫老妻咁啦。 不過我見你對我連基本了解既興趣都無乜咁😂 更加無資格會被你考量啦🥲🥲 唉～ 我今日唔敢搵你呀，雖然我仍然睇住你有無online，有無post story，但我真係好驚你會討厭左我。到時見面後連翻身既機會都無🥲 最衰個疫情，想約下bg或活動都唔得🥲 如果你會主動搵我講下野就好，我會好開心🙂 你了解多啲我啦，你會愛上我本人既，我有信心，但大前提，你要有興趣了解我認識我先，我會對你好好、成日俾驚喜你、唔會令你悶、唔會背叛你同好好愛你。 但我要開始冷靜下先，唔係我驚我捱唔到相遇既一日…….. 海宏