昨晚林訓前同老公傾下計 傾傾下 傾返以前既往事 但我竟然唔係好記得呢幾年發生過D咩事! 好誇張 係咪有老人痴呆症 咁後生就有😂😂😂 其實我記得 只不過要慢慢講起 D回憶先會浮起 突然要諗 好似真係記唔到 佢建議我不如寫日記 都好既 簡單紀錄下每日發生D咩事~ 因為昨晚太夜訓今日一早訓醒既我FEEL到喉嚨勁刺痛 飲完藥感覺又想嘔又口乾 果然我真係好唔鐘意食西藥 因為會扯乾哂你身體既水分 由其是林訓前食 要不斷飲水去補充水份 變左就成日要去廁所小解 好麻煩！ 我好唔鐘意咁 但無計鬼叫你病 病就要乖乖食藥 老公叫左我好多次睇醫生 我無理到佢😂 因為我好唔想睇😂 唔知由幾時開始我覺得睇醫生係好哂時間同錢XＤ 唔係咩大病我都唔會去睇 醫生都係開Ｄ抗生素 消炎藥，止咳水，化啖，但未嚴重到要食咁多 只係喉嚨痛 呀媽話我有機會食得太多熱氣野搞到咁 飲返D涼茶板藍根就無事啦 咁我就去買Ｄ清熱HＯ黎飲 但我覺得無咩料到😂 再去萬寧買必利痛沖濟飲 都係覺得無咩料到！ 我覺得要靠自己不停咁去飲水 先會咁痛同無咁唔舒服 所以乖乖地飲水吧 變左放假 老公因為疫情公司有得WFH 兩個人又呆係屋企 但係係屋企其實好憂悶架 點都要落街行轉散下心買ＤＤ野 唔知呢D算唔算係購物慾 點先要買少少野先舒服😂 我地行左轉一田 買左D湯包 老公而家好似好中意煲湯 對湯有D講究😂 反而我覺得煲湯好麻煩 唔係咁中意煲 佢識煲既話我就唔學喇 比佢專通一樣野我覺得幾好 佢煲到靚湯比我飲會開心D 同樣我煮餸比佢食咁 再周圍行下睇下有無靚既得意既利是封買 但其實好難搵架😂 因為多數為傳統款既 得意既都係卡通為主 係HELLO KITTY 布丁狗果d啊 我又麻麻地果d 覺得自己唔係d鐘意咁可愛既野既人黎 細路女先鐘意😂 最後都係買唔到既 遲幾日再去文具舖睇下啦 我諗會簡到自己心水既 今年係第一年派利是 感覺都幾搞笑 唔知要準備ｄ咩咁😂 行到咁上下到LUNCH出太陽天氣開始好熱 著左衛衣表示好撚熱！ 我仲要加多件保暖打底既 無太陽其實岩岩好 有就好熱 玩死人 行左去D舊商場到搵利是封 其實更加搵唔到架啦😂因為D款式一定再老土D 一田果D已經算好IN架喇 再唔係遲下去LOGON再睇多次 跟住就去睇花花 見到有盆細竹佢整到好好好好靚 好少見到咁靚既竹 佢既粗幼度好完美 3碌竹既擺位都好夾 即刻好想買左佢 又唔係貴$68 細細盆精緻又可愛 擺係電腦隔離一定增加唔小舒壓感 又可以吸下D軸射 老公話不如去寶湖果邊睇啦 因為街市有間花檔 好多選擇 我就無買到去左寶湖果邊睇 最後一定係不似預期啦 果到D竹好柒😂 係有少少失落 不過都無太在意 因為覺得呢D野可有可無 買唔買都無所謂 再行左轉商場內 入面竟然有間黃店 笑左 仲有MIRROR既利是封買 我見到有姜濤同ANSONLO 兩個都算整得幾靚 但如果派既時候 果條友係唔鐘意MIRROR 仲可能好憎 其實好ON9😂 收利是本應係一件開心既事 收到唔開心就唔好啦 拆完即掉左封野佢 所以都係算 唔買LU 行到有D攰 然後行埋新達經百佳買返少少菜就返屋企算 係屋企無咩野可以做好易眼訓 到到3-4點就會好想訓 但出完街 我唔會上床訓 (唔知幾時有呢個潔廦 但絕對唔關呢個疫情事 以前係自己屋企 一放工就上床玩電腦 係唔知由幾時開始 一返到屋企就想沖涼先 沖乾淨先好上床) 😂 HEA多陣開始要寫日記喇 諗緊究竟用手寫定打日記好 對我黎講 打 好似比較有效率D 又可以即刻紀錄到我想打既事 會快D😂😂😂 寫日記我會好有強迫症 當寫得多字 一定會睇到密密麻麻 如果D線條一有少少唔對稱 我會唔想再寫日記 同埋寫太辛苦 我要有個準則就係一定要整齊 咁對於我想輕輕鬆鬆表達自己心聲就有D辛苦 簡返打應該會有心機好多 仲可以加相得閒睇返😂😂😂 今日應該就係咁啦 係咁先啦 我諗都無咩特別 煮飯沖涼HEA陣訓教 咁就過完一日美好的假期喇 聽日星期五 好好迎接呢一日❤️