唔知點解無啦啦想寫下日記，可能想發洩一下同埋太多心事屈左係個心度。 我最近真係覺得好辛苦！已經分手左一個月，每日都話放低左，其實我真係完全放得低咩？雖然我唔否認可能我一早對佢感情變淡，但係我有嘗試想增進返感情，可能一開始唔係我鍾意佢在先，所以愛既感覺無好深，但都算係我一生拍既第一次拖，仲一拍就拍左3年，佢就拍左4-5次啦，可能同我一齊呢次係佢暫時最耐嘅一次，我知道我呢個拍拖新手咩都唔識，加上同性戀拍拖都係一件困難嘅事，我屋企人又超級反對同性戀，所以同屋企人關係唔好情況下搬走左出嚟住，而你都願意搬黎同我同居，算係減輕左我少少負擔。 呢個係我第一日開始寫既日記，我要係度下定決心，雖然我同你分左手，都唔會有機會做返朋友，不過我要生活得更好，過得更充實，用我美好既未來做報仇既武器！ 另外！唔知會唔會太過分⋯⋯ 分手一個月我就有一個新對象😂 不過我諗我應該慢慢相處了解下對方先 岩岩分手，仲有好多野困緊身 希望我以後既日子都會順利🙂