寫日記前, 呢度有句句子, 問你, 想收納甚麼心情? 是的, 是收納, 希望寫下來, 心情會變好一點。 依然故我, 又係打機, 都唔會睇下屋企其實有好多嘢未做, 來來去去都係咁, 情願叫個4個幾月大嘅仔, 賴咗屎忍10分鐘, 都要打埋鋪機先。不禁又問自己... 點解又係咁... fb有篇嘢真係寫出晒心聲出來, 1頭家, 明明2口子, 但點解成日都係得自己喺度做做做, 你話返學, 返工, 冇得講吖, 難得喺屋企, 都係唔會主動幫忙... 真係會好嬲, 好質疑, 究毫間屋係咪得自己1個? 除咗湊bb, 仲有家頭細務... 再加上返工... 真係好累, 身心都好累, 再要對住1個未能幫得上忙嘅另1半, 又嬲又失望... 其實我唔只係想你參與番呢頭家, 我仲想你親近多啲BB, 畢竟陪同成長, 只有1次機會, 佢鍾意玩咩? 鍾意邊個玩具? 邊本書書? 幾時學識反身? 你唔期待嗎? 你唔想知道嗎? 我有次話你, 我買咗咁多樣玩意俾BB, 你1樣都冇陪佢玩過... 我講呢句嘅時候, 係心痛的... 心痛你口口聲聲話錫佢, 但你表現出嚟係咁... 心淡唔係1朝1夕嘅, 或者, 有1日我唔再嘈你, 可能, 我覺得已經冇咁嘅必要, 無謂再浪費自己力氣, 再令自己咁嬲, 人地不痛也不癢。