請開啟 JavaScript 瀏覽器支援功能

11月 26日的日記

2018年 11月 26日
開日記... 其實係咪真係寫唔開心嘅嘢, 多過開心嘅? 以前都有寫開日記, 可以係想記低嘅, 可以係想舒情嘅, 可以係想發洩嘅... 隨心而行。無理由, 寫日記都唔係隨心而行卦... 呢度, 最冇限制, 係1個舒情嘅好地方。 如果我有80歲命, 那麼, 人生就走了差唔多1半, 真係好想陪伴豫豫多啲, 不過可能佢第時大個都唔駛我陪了, 前日同佢傾計, 氹佢, 雖然佢唔會聽得明白, 不過, 有人同佢傾計, 訓練下佢, 佢都好開心。由細講講講, 講到大個, 跟住講到媽媽會老, 會死, 如果將來我要老死, 最唔捨得豫豫, 養兒100歲, 長憂99, 話就話仔大仔世界, 管唔到幾多, 但父母嘅叮嚀, 始終都係出於愛, 無論父母有幾煩, 有幾長氣, 真係接受不了嗎? 自己細個時, 又百厭又唔聽話又搗蛋, 父母都唔會嫌棄你, 父母老了, 我地有咩資格說他們不是? 尋日嘈交, 真係有點心淡, 已經不止1次, 好累了... 每天忙忙忙, 忙返工, 放工即刻飛奔回家湊仔, 身心都好累, 無時停, 我知道等待嘅味道, 所以我唔想婆婆等太耐, 我要返去接力, 朝7:30晚9, 真係好辛苦的, 仲要自己1個, 俾阿B纏身咩都做唔到想有多對手幫1幫, 都冇。豫豫最愛扭計, 婆婆每晚7點10分左右就會抱豫豫喺LIFT口等我, 我差不多返到去時, 喺CCTV見到, 我就知豫豫又扭計了... 佢出門口先唔喊唔嘈, 以為有街去, 傻豬。 有人主動幫輕下你, 係奢侈品, 屋企每日要做嘅事已經固定, 但依家要叫先做, 點解有時間, 就要打機, 唔睇下屋企有咩要幫手, 樣樣事情都固定咗要做, 點解仲要人地叫? 就算叫, 都仲要等, 等人地打埋鋪機先, 開始咗唔停得... 點解話過咁多次, 都冇改善? 真係好累... 有人曾經同我講過, 男人係咁架喇... 係咁架喇, 就唔駛主動幫下手? 屋企唔係大家架咩? 而且都唔係幫我手, 係幫佢自己, 因為家, 是兩份的, 唔係純粹幫我, 家事唔係你做就我做, 你做咗幾多? 剩低嘅, 咪我做晒... 怕你唔得閒, 仲要同你講嘢時, 要多加1句, "你得閒的話", 你得閒的話, 幫手洗咗個電飯煲仔佢, 你得閒的話, 睇下啲BB衫乾未, 幫手收衫... 請問, 可唔可以打少陣機, 睇下屋企有咩需要幫忙? 阿B夜晚瞓咗, 最好就快去瞓, 唔係第2朝佢好早起身, 要換片餵奶, 起身又辛苦... 又係打機... 既然選擇打機, 放棄休息, 唔緊要, 但第2朝起唔到身, 要叫好多次, 又有咩謂? 我真係忍無可忍, 但你仲要講悔氣說話, 我真係嬲上加嬲, 點解你仲要火上加油? 1係你直接講, 唔會主動架喇, 我疊埋心水, 當屋企少1個人, 我自己做晒, 心甘命抵。點解你爸可以咁顧家, 而你兩個相差咁遠... 你話你會變, 你強調話係變, 唔係改... 唔緊要啦, 你覺得唔係錯, 所以唔係改, 係變... 真係會變? 當1次又1次, 仲會咁傻抱住希望? 冇期望就冇失望, 咁係令自己過得開心1點的安慰方法。

開始使用圖文日記

溫度日記開放插圖囉!

兩人同享:
與一位好朋友分享溫度日記,
兩人即可一起開啟日記插圖功能,以圖文記錄生活點滴。

開通方法:
每推薦一位新朋友註冊溫度日記,
推薦人可免費使用插圖功能 90天,
而受邀帳號也將自動獲得相同的插圖功能使用權。

我的專屬邀請連結:




注意事項:
  • 活動期間:即日起至 2018.07.31 止
  • 效期計算:推薦一人則推薦者獲得 90天使用效期,推薦兩人則獲得 180天,依此類推
  • 有效註冊:新用戶需使用專屬邀請連結註冊,並完成 Email 認證
  • 額度上限:本方案所贈送的累計優惠期間,單一帳號最多以兩年為限
  • 資格限制:每一組 Email 僅能綁定一組溫度帳號,溫度日記保有參加資格的最終審核權
  • 其他:溫度日記保有隨時修改活動辦法、暫停或終止本活動之權利