其實呢幾日我心情好一般 見你專心玩RO都好少時間睇wtsapp 搵我都係有事先傾到幾句 我承認我其實好怕令你失望 亦都好唔捨得放開你 所以好努力陪你 想用你想要既方法對你好 但係或者做得愈多就愈有期望 望住你由上星期話拉黑小多 到呢幾日一步步 加好友，送禮，組隊掛機打王 之後佢再次改首頁同你示愛 你始終都離唔開小多同RO 即使佢如何激嬲你同令你唔開心 只要佢求你多幾次你就會慢慢心軟 而對我，你繼續唔接受我IG好友 亦都喺佢知既地方盡量同我保持距離 我同你始終原地踏步 雖然我知你講既係真 同佢關係亦都不如以前 而你亦未必真係原諒左佢 但最少有公開比緊機會佢 反觀我，一直只係你最熟悉的陌生人 我真係覺得好攰啦 成日諗，我既付出你又見到嗎？ 我咁努力又係咪值得呢？ 我只係好想做好自己 唔理你同佢係點 亦唔理你點樣對我 一心一意單純去對你好 但我真係好怕你失望 呢兩日其實幾次mute左你wtsapp 但只要你叫我我都解鎖返 但傾唔夠十句 你又會消失於人海 幾個鐘後再出現回我幾個字 我唔知點解 或者我就係沉迷於被你需要卦 可能我咁講會令你有好大壓力 我對你好我知你見到 但我亦明白你唔知點樣回報我 我唔知自己可以點做去贏返你既心 好似能夠做既我都嘗試過 強硬咁逼你求你 你會嬲我逼你而走更遠 柔軟咁陪你等你 你又好似睇唔到我，對我忽冷忽熱 你既人生，發生咩事，開心定唔開心 好似亦都唔需要我再去擔心為你分擔 喺我努力唔令你失望既同時 原來我自己一直累積緊失望 以後加油，好好咁生活吧 希望你可以快D搵到工有收入 希望你可以快D搬走逃離你媽咪 最後都希望你可以快D感到開心幸福 到剛剛，我都仲好希望你會珍惜我 冀望因為你掛住我而比時間去陪我 但原來事實卻係倒轉 你只有空閒時間先至會想起要我陪 或者今次，我要令你失望了。 Sorry！