好攰！ 口講話要放低對你既感覺 專心做好自己 照顧好自己同小朋友 比心機全心全意返工 但試問真心中意一個人 仲要已經12年 又邊有咁易做到 琴晚訓之前見你同小多組返隊 岩岩見到你RO加返佢好友 唉...嗯 我都知我而家冇權問你D咩 你亦冇必要同我交代你做既事 可能由年頭到而家，一直以黎 真係好似你咁講 我只係你好好既朋友 亦都係明白你而你又信任既人 當你有心事唔開心會同我傾搵我講 而一直亦只係我自己仲幻想緊 你在乎我會想見我卦 可能呢一切終於要醒 我真係唔知可以點做 我應該留空間比自己去放低你 同時都比空間你同小多再發展？ 只同你保持朋友關係 只要我對你講既野 有少少越過朋友既界線 你好多時都會唔知點答我 保持沉默係你既一貫作風 你亦都同我講過 你唔中意自己傾傾下突然消失唔回覆 但有時我同你wtsapp到一半 你又會突然唔見究竟係你改變左 還是因為真係唔同我傾都冇所謂？ 我係咪應該要退後一步 喺你需要主動搵我時先出現嗎？ 但係咁樣 你會唔會覺得我主動放開你呢？ 還是我應該好似而家咁 好努力留喺你身邊 每日主動搵你陪你 當你失意有問題時 我可以第一時間陪到你幫到你？ 到你生活安好時 就得閒先覆我一句嗎？ 呢一種飄忽雖然令我好攰亦唔好受 但我知我可以支持得住 只係同時我又怕我咁主動 會唔會令你覺得煩厭？ 我自問真係唔係死纏爛打果種人 而呢段時間你想我冷靜專注 我亦都學識做好自己 我唔知我仲可以做D咩去爭你返黎 點解小多一直煩你 做咗咁多野令你唔開心 講既野亦令你覺得好煩 但你都可以繼續對佢心軟？ 繼續同佢講，比機會佢想佢改好 你真係咁中意佢嗎？ 但係我每次講多幾句問多幾次 你都只會叫我冷靜D比時間你 再比D空間你慢慢諗清楚 我又真係咁唔值得你去愛嗎？