加迪之私日記

8月 13日的日記:安全感(上)
有啲人會話 每段愛情到最後 都會由相愛變成習慣同責任 兩個人嘅關係 亦都會由情侶慢慢演變成為親人 雖然係咁 但兩個人總會互相扶持互相鼓勵 最後會唔會永遠一齊 睇嘅就係可唔可以做到體諒同信任 而呢兩樣嘢都係基於安全感衍生 只有喺一段關係中覺得安定安全 人先能夠對對方投以信任 相信對方會一直明白同支持自己 亦都唯有足夠嘅安全感 清楚知道對方會了解自己 人先能夠做到反向咁體諒對方 曾經有人同我講過 安全感應該要來自對自己嘅信任 人總會變,唯有自己不變 只有自己滿足自己 安全感先可以最大化 我唔否認自信可以帶來安全感 但同時喺一段關係入面 無論友情、親情還是愛情 兩個人之間嘅安全感亦起到重要作用 即使幾有自信嘅人 如果唔能夠由在乎嘅人身上感到安全 心情總會變到患得患失 會擔心自己喺對方心目中嘅價值 亦都會懷疑對方係咪唔再重視自己

加迪之私日記