加迪之私日記

不敢送出的訊息
我早幾日突然諗返起一件事,開竅了。我一直唔明你話我丟低你,唔明點解你會原諒唔到我,會捨得放低我,但我諗我終於明白了,原來我以前好唔尊重你,雖然冇諗過要同你分開,但我真係冇考慮過你感受,只覺得你點都會同我一直係兩夫婦,直到我再設身處地企喺你角度時,望到你識一堆新朋友,原來我係咁忍耐唔到,一直經唔起考驗既原來係我。 多謝你教識我尊重另一半,我一直想要安全感,但到呢一刻我先發現,以前同樣比唔到足夠安全感你,無論生活,金錢,小朋友定係感情上,都留低你單獨一個面對。雖然已經過去,但都衷心感謝你一直既付出,直到呢一刻都想我冷靜冇完全放棄我。 未來我唔知,但我地講過比一年時間大家,我亦都講過好攰跑唔郁,但並唔代表我地唔往來,我會好好咁為自己同小朋友未來而活,作為好朋友咁尊重你。未來我身邊果位係咪你都好,我都會記得你叫我既,尊重同重視另一半。之後既隨緣隨心,好好享受而家既生活吧!

加迪之私日記