喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

心的回憶錄

給你的自白
唔知你幾時先會睇到呢封自白, 我呢幾日喺度諗, 算吧啦!放手放低你啦! 你話已經唔希望我會原諒你既錯 我喺度諗點解你會咁講 我一直提起究竟又係為乜? 我明明好唔捨得你 但又一次次咁提醒你話唔要我 我亦都知我每次講,你都會唔開心 點解成件事會係咁? 我既放低,原來只係將一切收埋唔理 我仲未接受到要同你分開呢個事實 所以每次只要諗起我陪唔到你 我就好容易失控 只知我唔中意你同其他人打情罵俏 我嬲你會掛住其他人 咁我呢? 我以為我地既感情比我想像既穩固 但係點解你可以淡得咁快? 真係話放低就放低我 明明十二月都仲係開心咁過聖誕 未到三月已經同我講唔再愛我 我嘗試過裝交友app 想識新朋友去放低你 但原來我做唔到 長情同專一,可能係我既缺點 Sorry! 呢一刻我將我最大既秘密都講你知 其實呢幾年 我收Teck Hua工作既錢 法律上算係收緊回佣 我查過幾次其實只要公司扮唔知 佢地告我既話我應該有機會犯法 當然我唔知Linda會唔會咁做 所以呢幾年即使好大壓力好辛苦 睇住公司愈做愈差我都唔敢轉工 我好怕Linda唔知會點做 我唔想丟低你地三個自己生活 但係我唔可以冇呢筆收入 因為我知你好想繼續租屋住 我知你當時好想要生妹妹陪Aidan 我亦都知錢係我地屋企最缺既野 同埋當時以我收入搬到碼頭1萬蚊租 再加上我地欠卡數加埋10幾萬 即使我地唔租屋住 我都計過支撐唔到卡數同生活費 或者你到呢一刻都覺得你當時唔怕捱 但係我係男人,我唔想個老婆辛苦 我亦都唔想你地要返藍田住 帶住Aidan對住我阿媽 教既方法你地會嘈 我知你一定會崩潰 所以我覺得我可以撐到落去 但原來事實係你比我更先倒下 呢樣係我冇諗過 呢個算係唔見得光既野 我唔想講你知 因為我怕你會嬲我鬧我蠢 我都知你會話唔怕同我捱唔怕辛苦 但我係爸爸,老公 呢個身份令我覺得有責任要保護你地 再辛苦我都願意 今日我覺得我要講你知 因為公司情況真係好差 我同緊Linda鬥長命 所以我都要私下幫Vincent做野 諗定後路搵個新既碼頭 可能你已經覺得你將來會自立唔靠我 我當然唔想,但我明白 同我一齊令你唔開心唔自在 所以你先會想離開 但係我即使唔需要再養妻 我仲需要工作去活兒 原諒我唔可以好專注咁將時間比晒你 我亦都已經唔識唔知點樣可以氹你笑 BTW,我唔知呢個煲幾時會爆 所以我想比你知 萬一我有咩事你都有準備照顧佢地 呢一刻我已經阻止唔到你去追逐自由 但係我依然想兩個小朋友健康成長 佢地始終係我既責任
請輸入密碼

心的回憶錄

刪除 貼上