其實，她還有在看日記嗎？ 突然有些話想跟她說 想給她寫封信... 恩，上星期同你喺Times傾完到今日，已經一星期啦，你呢個星期其實過成點呢？雖然每日同你同一屋簷下，但只係好隱約咁感受到你既心情，仲要唔知有冇錯，令我個心好似有個窿咁，有D空洞，硬係爭咁D野。 其實今個星期好似冇乜特別事發生，係好事定壞事？好既可能係我地已經唔會再點嘈交，但係壞既會唔會就係我地已經冇乜交流，所以冇野好講，冇野好嘈？我每日都有喺日記分享我既心情，又其實你有冇任何野想回應 ？想同我講？ 你所講既每一個缺點，呢段時間，兩個半月黎，我都好認真去做好，係咪我仲係做得好差？到今日，我地唔再同床已經兩個月啦，呢段日子好難過。你仲要話我知未來唔會同我一齊生活，要分居，我究竟要點樣規劃我既將來？呢十幾年你已經佔據左我，我既生活，我既工作，我做既一切，雖然做得唔好，但都係因為我想你幸福。我好想你知道，你一直係我既No.1，直到而家都依然係，所以我仲好努力想捉緊你，我依然會對誤解你既人，為你講好說話。 即使全世界都同我講你已經好堅決，即使我自己都知道我冇乜機會令你回頭，即使你親口同我講過無數次走唔到落去，但係你仍然係我既最愛，我仍然跟緊你既腳步，喺你身邊走落去。我唔單止想同你走過已經過去又唔算好開心既十二年，我更加想繼續將比以前更開心更幸福既未來幾十年奉獻比你。或者係我令你唔再相信男人，但係有冇可能亦都由我呢個男人，令你再次相信我呢？你可以再嘗試接納我個真心嗎？你可以再嘗試將你個心，一步一步咁交比我照顧嗎？