琴晚我一直瞓唔好，喺度諗究竟我係咪講錯野，我承認寫日記時有被負面情緒影響，但我真係冇怪責過阿恩，我係嬲我自己既軟弱。其實我真係好欣賞佢講得出做得到，相反我呢？每次同自己講完要放低D啦，做返朋友，最後我都會自動繼續一如以往好似老公咁盡力對佢，我好討厭自己既善變同放唔低。 令我瞓唔到既另一個原因，其實都因為我既日記令阿恩生氣了，冇錯又係因為我。我唔想日記只係分享開心事，我覺得都要將我唔開心既事話比佢知，但係同時我又好唔想佢因為我而唔開心...明明我只係想同佢分享我既心情，點解會令人以為我怪責緊佢，係咪我用字有問題令人一個有錯覺...