已經有一個月無寫日記 病左好幾天今日先算好返好多 我近排都係跳舞一星期一次 報左器械班5月會上堂 早前報playground導師課程 抱病都去左上堂，幾好玩 上左第一堂老師當左我們係小朋友示範 令我感覺到自己好似返左幼稚園 班上的同學好多都女人有孩子 其次足球教練，鋼琴老師，護士，文員，幼稚園助教等 我係對小朋友有興趣，但我比較慢熱無咩笑容，如果想做依果工作就要改變下 聽老師講做兼職老師一個月做4日都有六千蚊好似好好賺，我同佢都有興趣有得唸 不過現在好多人讀playground 導師 正因為佢唔駛學歷要求，你可以網上自組做口啤，所以應該未來有好多人做這份工作，老師好好人，話可以去親子playground觀課，我同佢都有興趣參觀 可能遲些會報兒童體適能班及蒙梭理特班，如果我學有所成，我會去義教一班有需要的小朋友多於對住班怪獸家長 現在都只係唸，不知會否中途三分鐘熱度呢，開心係我同佢可以一齊上堂.一齊將學的知識運用去教育班bb