喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

2月 3日的日記
人越大,越容易忘記事情, 在美國, 可以說是我最開心的時間, 學校他們俾左我果時最想要而香港俾唔到我既野: 期待跟支持 我完全明白點解美國可以成為運動大國, 有D野, 香港人永遠都學唔到 係美國的時候, 我既生活苦悶得黎超有規律, 早上起身操水番學, 放學操水, 周未比賽, 我果時的游水成績比香港更好, 係果邊, 運動好的, 人緣就會比較好; 我真係好開心, 因為我得到香港俾唔到我的尊重 另一種奇怪的期待竟然是可以同你有書信來往, 本人文筆奇差, 但寫同收的時候都有一種莫名的感動, 我不知道有邊個會想同我寫信, 我唔知點解你會想同我書信溝通 但係果一刻, 我發現原來我可能會跟你纏繞一生, 可能你當我只是朋友, 但我單方面已經把你放在不同的位置 9 個月, 1年好快過去, 番到黎, 覺得自己唔同左, 具體的就係講唔出, 番到黎冇耐就完成了我作為年青運動員最後的一個比賽, 完成了一刻我放鬆了, 我不再是一個泳會的附屬品, 要還的人情債都還了, 我自由了 同一時間我失落了 果3個月,我迷茫 已經18了, 別人都中六又或重讀, 我, 算什麼 終於我選擇去澳洲, 我大可以選美國, 以我游水的成績大學果邊都話可以俾SCHOLARSHIP 我讀; 但我回絕因為我討厭再成為別人的消耗品去澳洲, 我想自食其力, 一到埗, 第一件事是要諗可以係邊打工, 我果時身上的錢只夠一個月用, 我唔食都要交租 最辛苦的, 我諗係要同屋企人講我冇事, 身上夠錢用, 唔使擔心我 好在, 我係一個月未到就係唐人街搵到工, 洗碗工, 番晚上7點到凌晨, 好彩的話可以番到凌晨4點, 可以賺多幾廿蚊 我其實好感謝當初俾機會我既人, 難聽D講, 佢地唔請我, 我可能真係要訓街 放4點, 行到番屋企就5點, 8 點上堂, 果陣時真係人都癲, 上堂好多時都訓, 好在唔算太難, 醒醒定定都可以過 係果邊的生活難聽D講同香港冇咩分別; 香港放學去游水, 澳洲放學去打工   我那時的朋友, 事實上都不算朋友, 當他們在下課後講去邊玩,我只可以選擇去圖書館溫書訓覺定番工 但條路是我選擇, 再辛苦都要捱從那時起, 我可以每天只吃餐館的一餐再拿一餐回家, 因為,我可以不吃, 租都一定要定時給 係果時,當三餐溫飽都是問題的時候, 一切其他問題都不是問題  直到呢一刻我每次想起我都有想哭的衝動, 特別是當別人番工可以出去玩, 我番工想的是今個星期我可以儲到廿蚊, 2年後夠錢買機票番到香港嗎 果段時間冇咩人可以傾,因為都冇咩人明 你試過一星期都食同一樣菜的感覺嗎, 你試過要去超市等今日過期的肉特價, 買3公斤同一種肉, 同一日煮晒, 要食8餐的味道嗎 果種滋味真係好難頂, 係去到一個位你根本唔知道自己食緊咩, 口果陣味刷左牙都洗唔到 呢一段時間大約有2至3年, 最終我開始儲夠足夠的錢可以正常咁食飯, 三餐溫飽終於不成問題,而且可以衣錦還鄉..回到家, 妹妹一直在黏我, 媽媽爸爸關係好像還可以, 第一次從澳洲回家, 看到家人其實很不錯, 說實話會想把苦都跟家人說, 但心知肚明, 他們都不好過 走的那刻真的不想回去, 看到媽媽第一次哭的樣子, 心真的有點痛回到澳洲後, 又再重新回到之前的生活, 生活再不定時, 又沾了一點壞習慣 (飲酒食煙), 其實而家諗起, 煙酒一D都幫唔到我解壓, 其實令我精神更差, 果陣時如果唔係仲後生, 我都唔知點捱
請輸入密碼

溫度日記 Hearty Journal

電量偏低:20%
網路連線緩慢
網路連線不穩
無法於 Microsoft Edge 瀏覽器中,使用完整功能
無法於 Internet Explorer 瀏覽器中,使用完整功能
刪除 貼上