今日係公司基本上都開始咩都唔理啦，但見到同事又好忙咁，攪到我好似好得閒🤣 6 點就準時收工走左，一路行一路同黃高高傾計，每次同佢傾計我都會好怕佢傾傾下停左，因為一停左就唔知佢會幾時 online，唔知點解佢最近真係少左 online ，我只好成日望住佢有冇 online。但佢有 online 我又驚佢會唔搵我……有時我會諗，我會唔會有機會過去搵黃高高呢，我會等呢個機會，到時就算 50 歲，60 歲，或者 70 歲都好，只要有機會我一定會過去搵佢。