而家每日一有時間就會睇下佢幾時 online，有時見佢 online 但都冇搵我，我會望住佢個 account 由 online 轉 last seen，但都冇我份時，個人就會好失落好灰。其實可能係我諗太多，對佢嚟講，可能我只係一個佢唔太在意，而且可有可冇既人。 今早試過打電話俾黃高高，其實都估到佢唔會聽，但都係打左，因為我真係好想好想聽到佢把聲，就算見唔到聽到都好，當然最後都係聽唔到。仲唔知有冇整嬲佢，可能我真係太心急……其實諗諗下又真係既，聽到又點，而家我只可以默默咁繼續鐘意佢，只可以係咁……有時我諗人係咪可以好似打機咁死鬼左就可以從新嚟過………anyway la 今世同唔到佢一齊，希望下世可以啦！ 黃高高最近 send 左好多英國既相俾我，其實我一直都想離開香港，幾個月前都有問過澳洲點可以返過去，又睇過去加拿大既門檻，但真係好貴，講緊百幾萬港紙，點會有，而且又要睇住我老豆，所以一直所有人都同我講話移民時，我都係得個想字。但見到黃高高既相，令我真係好想走，去到外國應該可以比起而家簡簡單單咁生活。所以決定左而家要想辦法搵夠一舊錢先，希望兩年左右可以離開香港啦。 今日下午落左樓下食煙，我發覺企左係到咩都唔洗諗既時候真係好舒服好輕鬆，但一食完行返上去，我又覺得好攰。