尋晚同黃高高傾計傾到 3 點左右，好想繼續同佢傾…… 今早見到佢仲未訓又同佢傾左兩句，之後我全日都冇咩心情做野。我唔知係因為我就離開公司所以唔想做，定係可能因為好掛住黃高高。不過點都好啦，總之就係唔想做野。 佢今晚 sent 左好多相俾我睇，但全部都冇佢既樣，見到佢係果邊生活得幾開心幾好，我都戥佢開心。但個心始終都係好那住，佢未走時雖然見唔到佢，但都冇咁那。可能因為佢去左好遠好遠，好清楚知道無可能再見到佢掛。 好掛住佢！我好想同佢講我仲好鐘意佢，但我都控制住自己唔好同佢講，難得佢而家成個人開心返，我應該都開心先岩………不斷催眠緊自己………… 我今日係到諗左好耐，我繼續默默咁等，會唔會等到有一日佢返嚟時會單獨見我呢？我又會唔會一直鐘意佢落去呢？其實起初我以為自己過一段時間就會淡左呢仲感覺，但已經差不多一年啦，果種感覺好似冇少過………