睇到呢story既朋友 可以試下幻想自己係個fresh grad 剛大學畢業返緊第一份工 然後開始呢個故事 ----------------------------------------------------------- [Week01] 我叫Kat 一個Fresh grad 畢業後第一份工入左間新公司做 乜都唔識 有啲緊張 有啲驚 又有啲期待 然後響公司叫做同唔同同事打過招呼 印象深刻啲既係隔離部門同事Tommy Tommy個人好nice 一識就留wts同交換ig 同自己講有乜唔識都可以問佢 然後食飯唔知去邊食 又驚冇飯腳好孤獨 跟住Tommy又主動邀請叫埋我join班同事食 如是者返左一星期 Tommy講左好多資訊比自己知 公司邊個唔得罪得 邊個上次唱k唔小心cut左阿頭點既歌 邊個飲茶時叫左灌湯餃 有時食完Lunch又帶我周圍行 話我知邊度有零食賣 邊間雪糕舖好味 仲一齊買左黎食 就係咁 本來返新工既恐懼就一掃而空 甚至覺得平時返工都幾開心 ---------------------------------------------------------- [Week02] 如是者返左半個月 呢度啲同事興星期五放工聚下 收工去左中環啲bar坐下傾下計 然後轉場落pub開左張枱 玩酒game 因為同Tommy最熟 所以好自然坐響佢身邊 玩game輸左 Tommy見我唔係好飲得 就叫我做下樣就得 唔好飲咁多 仲幫我頂酒同叫啲同事咪咁狼 然後我真係醉醉地 佢叫bartender沖左杯熱茶 最後走時Tommy送我返屋企 佢好君子同gentleman 好規矩 仲問我o唔ok 駛唔駛陪埋我上樓 跟住個星期日班同事約左打保齡 Tommy約我早小小一齊lunch 再陪佢一齊行寵物店 佢話想買啲玩具比佢隻狗仔 最後我幫佢揀左啲玩具 佢話佢隻柴犬一定鍾意姐姐揀既玩具 仲開左啲相比我睇 我話我都鍾意同狗玩 佢話下次一於帶佢隻柴犬出來比我見面 然後我就坐佢車去商場同其他同事會合 一齊打保齡 ---------------------------------------------------------- [Week03] 已經返左工三個星期 習慣左平時同Tommy返住工wts app傾計 佢幾細心 講過話肚痛 上次m到時就沖左杯熱朱古力擺我位 平時又會sd柴犬啲相比我睇 仲會特登影佢玩我揀既玩具時既相 見到柴犬玩得咁開心 我都好開心 然後我地講起話上次邊度掃街正 所以約好左黎緊星期一齊掃街 如是者到星期六 Tommy就車我周圍玩 我地又響唔同舖頭買上車食好開心 然後佢話有個位夜景好靚 所以我地就上左去睇 同佢相處時好舒服 然後好自然我地就錫左 果晚我地就去左酒店 剛好識左Tommy 三個星期 ---------------------------------------------------------- [Week04] 然後果個星期 照舊返工放工都同Tommy msg 有晚放工Tommy又車左我遊車河 然後果晚又響酒店過夜 到第二朝就前後腳返工 終於到星期六放假喇 我約左啲姊妹同Tommt Victor佢地燒烤 順便比班姊妹過下眼 睇下覺得Tommy好唔好 班姊妹話睇得出Tommy好錫我 見到佢咁照顧我都放心哂 話佢似係好仔唔似玩玩下 同埋個人都幾gentleman唔錯 如是者 我就正式開始同Tommy一齊 ---------------------------------------------------------- [Week06] 返左新工1.5個月 我已2同左屋企講拍緊拖 覺得而家個男仔幾好 好識照顧人 唔似以前拍拖果啲 身邊啲姊妹同中同都知 覺得可以長遠發展 然後 有日收到個晴天霹靂既消息 我姊妹Tracy話我知琴日見到Tommy拖住第二個女仔出街 我本來唔信 因為Tommy明明話帶左柴犬散步 但Tracy影埋相 睇到果個人真係好似Tommy 然後我問返公司啲同事 Tommy係點既人 先知原來佢一直有個拍左6年拖既女朋友 而響呢6年間 佢幾乎無間斷地同時出軌 我呢個post對上果個同事、樓下護膚品店個女sales、公司個大學生intern、 Tommy話去朋友間補習社幫手時識既part time、佢響沙灘時走去抄人牌既後生女... 呢D全部都係佢既出軌對象 佢女友做會計好忙 所以平時唔係時時見 每次見都好怱忙 而原來我係做左人第三者 但已經陷左入去 習慣左每朝起身返工見到佢 習慣左每日返工大部分時間同佢msg 習慣左佢lunch帶我食野 再一齊share雪糕 習慣左收工一齊晚飯再睇場戲 總言之 已經習慣左 我嘗試同佢對質 佢同我講 佢同女友一早已經冇左愛情 只係得返責任 但佢女友好依賴佢 所以佢唔忍心分手 但其實佢鍾意既係我 我係咪應該比啲時間佢?