新手媽媽滿月記 對於湊仔，第一個想到既係「湊仔原來真係好攰」(꒦໊ྀʚ꒦໊ི ) 現階段，攰係精神既攰多於身體既攰⋯ 當然身體都好乃攰！(꒦໊ྀʚ꒦໊ི ) 點解我話精神攰多啲？ 因為除左岩生完荷爾蒙既影響令到自己成日崩潰、爆喊，又質疑自己、又不斷亂諗嘢之外(● ˃̶͈̀ロ˂̶͈́)੭ꠥ⁾⁾ 因為新手帶b，又無陪月之下，任何野都要自己摸⋯一出任何事都會覺得係大件事，成個人勁崩緊，老公返工，日頭要一個人照顧，面對bb既任何突發情況都要靠自己觀察、理解、做決定⋯事實係我不善於做決定！ 老公返黎我就想喊 心情可以放鬆返啲 同好想被擁抱 被安慰 被照顧返個心靈 ⋯ 我呢個隊友真係好勁，日頭返工已經辛苦，夜晚佢都盡力頂更！係我心入面會自責，因為我覺得自己應該要輪晚上，理論上我可以係日頭補眠，但我卻辛苦左要日頭工作既隊友⋯現實係我精神狀況keep住有少疲乏，特別係全日日頭好崩緊咁照顧bb，放鬆唔到，（仲因為咁發左兩次惡夢）每日係老公返黎先會放鬆返⋯呢份照顧bb既工作，我真係好想有個小小既時間可以休息下⋯ (但最慘係惟一可以休息既就係老公放工返黎到下次返工前既時間，佢打兩份工⋯）( ˃ ⌑ ˂ഃ ) 真心感激我重要既隊友、好老公，明白我既情況，再辛苦都協力夜晚既照顧⋯當然晚上我有力時都會幫手既！唉⋯我都驚攰壞身邊人嘛！（生左仔先更明白老公既重要性係好巨大，見到對方同自己一齊努力時，自己都會更愛佢！loveyou₍₍ (̨̡ ‾᷄⌂‾᷅)̧̢ ₎₎） 初手媽媽攰⋯ 攰⋯卻需要metime… 攰⋯亦需要訓教⋯ 攰⋯更需要同伴既支持同安慰⋯ 滿月了！bb狀態穩定啲了！大家都攰！ 下個節期係100日！ 聽人講，到左100日bb就好湊好多⋯ 希望⋯係⋯！( ･᷄-･᷅ ) 滿月了！希望逸朗平安長大。(✽´ཫ`✽)