我清楚知道自己任性，知道自己最衰格嘅地方就係成日利用異性黎刺激對方務求要對方呷醋，要對方著緊。但今日我終於睇到自己係對方心目中嘅重要性，原來一直都係自己高估左一切。有好多嘢令我真係以為對方就係一直要搵嘅人，以為幸福終於出現眼前…但個結果竟然係一直自己以為！慢慢對方開始越見越少，什至覺得痴身時。我真係覺得好失望！失望嘅係到最後你俾我嘅藉口係你唔習慣！難道你忘記左當你愛我嘅時候曾經講過如果可以的話真係好想日日見。點解當初你又唔會話唔習慣呢？我唔係想成日都攞之前出黎比較，而係我好想對方明白到如果我地再係好似依家咁樣嘅方式相處落去，我真係想像唔到之後嘅路再點樣同佢行落去。兩個陌生嘅人由相識到相愛唔係一件容易嘅事，我唔係要對方要做到好似之前咁…我唔係要對方24小時陪伴，唔係要對方隨傳隨到，什至唔係要對方係物質上嘅滿足。日日都因為小事就嘈難道我又會好開心嗎？我一d都唔開心架。我知我都有唔好嘅地方，或者我有好多地方都做得唔夠好。你覺得我真係無為你改變嗎？我唔想下下都要做到好明顯你先睇到你明唔明牙？我知上次同男仔食飯果件事令佢好不滿之後，我無再單獨同男仔相處因為怕對方唔高興！我whatsapp同wechat基本上都係黎黎去去果兩三個知己朋友，我都好想介紹對方俾我嘅朋友認識但佢會願意咩？如果佢會願意去認識我嘅圈子我真係希望能夠減輕佢嘅疑慮。如果有得選擇我都唔想返我依家嘅工作，假如能夠體諒到我要由頭黎過從零積蓄開始的話，或者會明我一d都唔好受架！我基本上咩都係要靠自己，我係好彩在仲有張疏化可以暫時俾我訓住先之外…我有d咩係唔靠自己？有時我想見佢並唔係因為自私想同佢身邊個位去爭寵，而係當我知道自己就快壓力爆煲又或過份充滿負面情緒嘅時候…我係好需要有對方係我身邊做一個支持。我唔係死物我都有生命，我都有軟弱無力嘅一日你明嗎？我真係好想對方會識企係我嘅角度去諗。兩個人係埋一齊，如果只係識得從自己角度去諗每一件事基本上呢段關係唔會長久。我知道你都有你嘅難處，我都知自己好多嘢都唔夠體諒。係過去嘅問題當中我認我有唔岩嘅地方我會道歉承認自己有錯，對唔住。我認錯唔係扮死狗膚顯完當無事發生，而係我真係好重視呢段感情，假如我唔重視呢段感情我根本唔會唔開心，唔會打咁多字去講呢堆說話。雖然對方就算睇完都好，對佢黎講可能無感覺或者廢話一大堆。但至少我都講左俾佢知我內心係點諗係咩感受。我已經唔敢再去強求對方會感動定係d咩嘢，只想對方會去睇，想佢知道我並不是無理取鬧…我同一般人一樣都需要關心，支持同被愛已經足夠。有時一個好簡單嘅慰問，一個好窩心嘅動作已經可以令我開心好多日…但依家嘅對方已經唔再願意為我去做呢一點一滴。可能今次真係最後一次打我內心想對佢講嘅說話，所以比較長篇大論…不過呢一切真係未必會再出現！經過今次佢嘅煩厭反應真係令我有種想逃避嘅感覺。好驚再次主動搵佢，因為好怕煩到佢令佢討厭。今日嘅對話我聽完後我真係好心痛同好攰。因為我地嘅感情已經唔係不許你注定一人而係不拖不欠。今晚最後嘅通話中，我真係好想聽到佢會溫柔咁去安慰我。可能我真係好煩令佢好討厭掛！當對方好似苦苦哀求我咁唔好再同佢糾纏落去時，我感覺到自己又再一次受傷，或者呢d傷害係我自己攞黎或係自己俾自己。但我真係有一刻出現從此消失一走了之嘅感覺。當知道自己原來係可有可無嘅時候，個心真係一d都唔好受而且仲好痛架！我真係將對方放係心目中作第一位，視為最重要嘅人。或者就係因為我太用力去愛佢所以令佢迫得太緊！ 消失可能係一件好事吧…就係因為愛對方所以選擇手放開。預期兩個痛苦我情願自己承受所有痛苦…只要對方開心就足夠！ 當我聽住洋蔥呢隻歌好自然就忍唔住d眼淚，我同洋蔥一樣永遠都係陪襯品，係對方眼中根本就微不足道。雖然係咁我都好希望對方會去我內心世界到睇，就好似你一層一層咁去搣開個洋蔥但當你搣到洋蔥個心時，你有無留意到自己不停咁流淚。意思係想講當你慢慢咁了解我內心世界嘅時候你會發現原來裡面係充滿關於你嘅一點一滴，但當你終於發現嘅時候除左關於你嘅一切之外仲有無數嘅眼淚。 我就像一顆洋蔥 永遠是配角戲多希望能與你 有一秒專屬的劇情如果你願意一層一層一層的剝開我的心你會發現 你會訝異你是我最壓抑最深處的秘密如果你願意一層一層一層的剝開我的心你會鼻酸 你會流淚只要你能聽到我看到我的全心全意