溫度日記
Hearty Journal

9月 19日的日記
如果你願意的話我真係好想你由我第一日寫日記開始去睇。之前我真係覺得自己好開心好幸福,但慢慢你睇唔睇到大家之間出現左變化。我總係俾你牽住東拉西扯,去到今日我喊嘅日子多過我笑嘅日子,我孤單嘅日子多過陪伴嘅日子。你仲記唔記得當初嘅說話?或者你真係唔太記得吧… 我要嘅唔多牙,就算見15分鐘,10分鐘,5分鐘都好起碼都總算見過。掛住一個人就算見得一眼都願意都覺得足夠。但依家我成日好似要求你咁先可以見,算吧…呢d係我自己攞黎我認命。無人叫我做第3者!但第3者都需要被愛架,從前嘅被愛去左邊?初初你會主動話掛住我,依家呢?以前你會做嘅嘢,依家嘅你一樣都無做到。如果唔能夠一直對我好點解當初做得咁真?到底我係未應該選擇放棄到我有事,你唔能夠出現我身邊。我都無怨言過任何一句說話,但你又有無關心過我?

溫度日記 Hearty Journal