好耐都無打過我嘅日記啦…當我打嘅時候我只係覺得已經唔再係日記。過去我每日都會記錄低我地嘅一點一滴，但依家就好似要儲儲埋埋一日黎打我嘅日記咁。有時連我自己都唔知打d咩好…每日都係做果幾樣嘢，大家之間嘅話題越黎越小。依家個感覺就好似同等死無咩分別，有時我都會問下自己到底係為左d嘢而去拍拖呢…唔知幾時開始，我地嘅感情越黎越無再好似以前咁溫馨。可能呢d就係分手前嘅先兆吧！當你講你老婆發現左我買俾你果頂帽時，我第一時間就諗你係未開始編排緊一連串嘅故事之後就會話你老婆發現左我地嘅關係所以要分開。其實我情願你直接同我講總好過咁樣折磨我，我知道自己係情緒化…成日無緣無故會唔開心。我知道會令到你好煩。對唔住… 放心啦，如果你真係想分開！我唔會死纏爛打…我唔想令你討厭我，見到你幸福我都已經好開心。