今次鬧交，對於我黎講都幾打擊我嘅信心。我唔知同佢仲會行得幾耐…呢幾日我所有所有嘅負面情緒通通出曬黎，可以唔食唔訓都唔知為咩。以前嘅佢會去著緊我，但今日嘅佢我已經感覺唔到果份感覺…我只係感覺到好想喊，對住佢我果份無形壓力一日比一日大，越黎越唔敢做真正嘅自己。我到底要點樣做先會做到佢心目中想要嘅女人呢？我真係覺得好攰啦，或者我真係不配擁有幸福同開心。我只係想簡簡單單咁拍拖，點解都好似好難咁。頭先我將我地d相整左個音樂牆當我自己睇返嘅時候，d眼淚好自然咁控制唔到咁流出黎… 你仲記唔記得當初你講過唔會俾我再過返以前唔開心嘅日子。你唔要我再喊住咁過，你要我笑住咁過。但似乎你已經忘記你嘅承諾。