喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

8月 6日的日記
呢兩日我都跟住mr .m一齊去開工,雖然困住係一個小小嘅空間入面…但對於我黎講已經好足夠。或者可能我真係好怕佢老婆會發現我呢個人插入佢地嘅婚姻。我唔係想同佢搶老公同時我都無資格去搶人老公…同mr.m一齊嘅時候,我明知唔岩明知係錯我竟然會有繼續錯落去嘅呢份勇氣…我知道呢段愛情無結果我知道終有一日mr.m會離開我,我知道自己玩緊火一個唔留意又會燒親自己。人生苦短我唔想將來老左會有後悔呢兩個字,唔錯都錯左…咁就有佢錯落去吧!!! 可能經歷過上一次嘅愛情,明白到做人係自私唔係每次都諗左人地先先再諗自己,就算你個人點好都好,係你嘅嘢任人地點搶都好…點都搶唔到。我唔會迫mr.m係兩者之間做一個選擇,我都曾經講過假如真係到左呢日我真係會選擇自動退出。我係唔捨得我係好在乎呢個男人呢段感情,就係因為我愛佢我寧願自己再痛多一次都唔想佢去受到外界嘅壓力折磨。因為我會知佢身邊總會有人對我地段感情指指點點…傻瓜,我知你愛我我知你錫我…就係知你對我份情係真誠真意我更加唔捨得你去承受其他不必要嘅苦。苦我唔怕,只要值得再苦我都撐得起。係我嘅愛情世界入邊我要嘅嘢好簡單,我唔係要一個花花世界,唔係要虛榮名譽。我只係要有個人會同我分擔喜與憂,會有個人在乎我嘅一切,會有個人發現我嘅存在,會有個人會願意進入我內心世界。你嘅出現令我最驚喜嘅係你真係會願意去進入我內心世界,會嘗試去了解我嘅一切。而唔係因為上床而去接近我… 當我拖住你或攬住你嘅時候我真係唔想鬆開,因為一鬆開就唔知會唔會再有機會落去。我承認我好細路女成日做d幼稚嘢黎激你,因為我真係怕無左你…我想你緊張我多d在乎我多d…我想整到你嬲你去因為我而呷醋黎肯定自己係你心目中地位。你去台灣呢5日,真心咁講我真係好怕你同佢會增進左感情好怕你會對我冷淡。我極度唔想你去掂佢,攬佢,拖佢,錫佢同佢攪嘢。但理性話俾我知就算唔想都要接受現實,鬼叫自己愛上人地老公。但無奈呢位先生真係好好,只怪個天鐘意玩我係要係錯嘅時間遇到對的人,係岩嘅時間遇到錯的人。不過唔緊要,只少我都能夠遇到你…唔理岩定錯都好只要一日你仲會係我身邊我都會全心全意去愛你,做好我應該要做嘅嘢。我要你每日都過得開心,你開心我開心。我咩都唔0識只係識去默默付出,我唔識點去討好一個人,我只要識更苦更難捱都好我都願意為你擋去任何傷害,我情願自己傷痕累累都唔想見到你受傷。
請輸入密碼

溫度日記 Hearty Journal

刪除 貼上