好快就同佢一年，但呢一年入面所發生嘅事起初係好甜之後就好苦。苦到已經對愛情失去所有勇氣，就算再愛都唔能夠好似以前咁如此深愛。 每次我想行前一步，個腦好自然咁諗返起一幕幕嘅傷害。 我已經好努力咁唔諗當無事發生過，但傷害始終都係傷害又點能夠忘記？ 特別係我無助嘅時候，係我需要保護嘅時候，係我最需要支持嘅時候…我真係好想佢會有一次出現我身邊，而唔係由其他人代佢去保護我代佢去疼錫我。每當發生事嘅時候，揸住電話望住佢個名係到諗到底同唔同佢講好。好多時去到最後都係選擇放棄自知講左咁又點未又係同無講毫無分別，或者因為咁佢真係忘記左我都需要被愛需要人錫需要人保護。 我問過佢如果再有一次機會選擇佢仲會唔會同我開始，佢俾我嘅答案係會。雖然我唔知係真定或假，但如果問到我我會答唔會。因為愛上你要花好多嘅力氣同注定滿身傷痕，我都唔知自己有幾耐無係佢臉前由心笑出黎…而依家對佢嘅感覺多左份害怕，我會怕唔知幾時佢又會再次傷害我。昔日嘅甜蜜只能從記憶中回味，我已經習慣一個人食嘢，一個人撐過所有難關，一個人戀愛，自己為自己抹起眼淚。