今日我開始返工嘅第一日，之前我只係會因為想買某樣嘢而努力工作…但依家令我努力工作嘅原因係因為豬仔！無論有幾辛苦我都會努力咁去搵錢，我唔想俾人睇死我養唔掂個仔。由其我唔想衰俾佢老豆睇，我好想証明俾佢爸爸知就算無佢我都可以俾到好好嘅生活個仔！ 唔知係未我對佢無咩要求，所以佢唔會去珍惜我？我好想同佢講，我真係真係好唔明點解要對我愛理不理點解總係將我同豬仔放係最後。既然唔愛我點解仲要我全心全意去愛佢，係未我對佢嘅感情唔係感情，係未我為佢付出嘅唔係付出？ 我唔望會有回報，但只少唔好咁殘忍對我兩母子得唔得牙？我地做錯咩要咁樣對待我地？當做下好心俾條生路我地行好嗎？ 我唔再望佢會黎睇我地一眼，唔再望分小小時間俾我地，唔再望將來會有佢陪係身邊。我只望豬仔健健康康同我兩個人自己簡單生活就夠，我知佢唔屬於我我都唔望得到半份愛，我只希望一切嘅傷害都完已經心滿意足。