喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

5月 17日的日記
其實我知道你已經再無去睇我嘅日記,所以我都無再係呢到打我每日發生過嘅事,無再記低我內心嘅感受!以前就話你會日日都去睇我先會日日都係到打我嘅日記,依家打黎都唔知仲有咩意思。 其實我成日都問自己到底幾時捨得放手仲未俾人傷夠自己嗎?有好多嘢自己明知都好我都總係衰心軟唔捨得你…每次都係我主動去搵返你。 你知道嗎?愛你係比起愛其他人需要更多嘅氣力同勇氣,如果俾我可以重新選擇,今時今日嘅我真係寧願從未認識過你。原因係你俾我嘅傷害真係好深同好痛,一開始你對我實在太過好啦!你知唔知道? 由我親手將個木牌一分為二果刻開始,過去嘅回憶我會慢慢咁忘記。如果你仲記得嘅話有隻歌我好鍾意聽…隻歌 叫《你,好不好》,得閒你聽下入邊嘅係咩意思…不過我知你唔會為我咁做因為你已經再唔係愛我嘅果個你… 《能不能繼續 對我哭 對我笑 對我好,繼續讓我 為你想 為你瘋 陪你老你好不好 ,我好想知道 別急著把我的愛丟掉,我只需要你 在身邊 陪我吵 陪我鬧,別用離開教我 失去的人最重要,別說 你曾經愛過我,讓我們回到那一秒 你好不好 !》 認真嘅到今日你仍然仲搵到我嘅原因最大最大係因為豬仔,如果無豬仔嘅存在我可以好肯定咁答你我消失左好耐。不過係我嘅觀察中,豬仔對於你黎講只係你嘅包袱你嘅負累。所以對於關於豬仔嘅事你總係不聞不問莫不關心,對於我黎講豬仔係我嘅寶貝我嘅命根…其實每次我抱住豬仔都好心up。我會唔明點解個天要咁對豬仔,要佢同我一樣咁俾親人嫌棄… 所以我依家都無再問你會唔會見個仔,同時都唔會強求你會抱佢一下同佢影左合照俾佢大個時留念或者係想留返呢小小尊嚴俾自己同個仔。你有無發覺我再無期望再無同你講我想同你點點點,你有無發覺我對住你總係好唔自然總係扮到無事扮到好開心咁,你有無發覺就算我就到生日都唔會叫你陪?其實經歷過咁多次嘅傷害同失望我話我無嘢有邊個會信,特別嘅係我入院等生嘅果幾日你連黎睇睇我都無其實我係好介意,加上你果句如果我係你我唔會生豬仔我更加介意。我會係到諗我到底係未愛錯人呢…如果依家呢刻你拖住我手,我諗我會縮手!如果依家呢刻你攬住我,我諗我會將你推開。因為依家嘅你真係陌生得令我覺得可怕,我有種強烈自我保護嘅感覺,覺得你係傷害我嘅人,對你有種恐懼嘅感覺因為你傷害得我太多次。而且你唔止兩三次嘅厭惡語氣同我講嘢啦更何況眼神同表情我又點會諗唔到係點? 你知道嗎?今次我生第二胎我知道自己身體弱左好多,加上我又情緒低落令長期失眠有時我要靠食藥先訓到,唔食藥就算訓到都係訓得果兩三個鍾就扎醒訓唔返但就算幾辛苦幾攰我都撐住每日去照顧豬仔。因為豬仔唯一親人只係得我一個,問心如果我係生豬仔果日真係唔好彩死左你仲會理佢嗎?你仲會要佢嗎?個答案大家心知算了!所以就算係點我都會努力咁揍大豬仔…因為真正嘅不許你注定一人只有我同豬仔而真正嘅相依為命亦都係只有我同豬仔。
請輸入密碼

溫度日記 Hearty Journal

刪除 貼上