喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

5月 9日的日記
至從芒果仔出左世之後,我對我人生變化有特別嘅感受。過去我會將愛情放係我嘅第一位,因為我係一個好欠缺安全感,好渴望得到被愛嘅人。所以有好多嘢我都會將對方放係我嘅第一位,或者因為咁成日都會嚇怕對方而令大家嘅距離越黎越遠甚至出現好多問題而分開。到最後都係變返自己一個…… 係未有芒果仔嘅時候,我遇到一個好特別嘅男人。係其他人眼中佢或者平平無其,但係我眼中佢係好特別而且係改變我一生嘅人!我都唔知遇到佢到底係好事定係壞事,但我知同佢事實經歷過我一生中最幸福嘅日子。其實感受過我已經心滿意足,我自問真係無咁嘅福氣所以得到過就算啦!而且佢已經送左一份好好嘅禮物陪伴我一生。呢份禮物就係芒果仔,其實當佢同我講唔識點面對芒果仔時又或只稱呼芒果仔做bb時我承認係好唔開心只不過我無講出口。有好多嘢根本無得迫就算俾你迫到都無意思。或者佢自己唔知佢果種不聞不問,莫不關心嘅表現同感覺又出返黎正正就係佢逃避見我嘅時候果個嘅佢永遠都有大大小小唔同嘅藉口。或者我同芒果仔兩個真係注定同佢有緣無份唔可以3個人有自己簡單嘅家庭,偶然抽時間返黎陪下個仔玩睇下個仔咁。不過我好清楚呢D係唔會發生嘅事始終佢已經有家庭,我都唔會破壞人地家庭我寧願帶走芒果仔消失。所以有好多嘢自己都知道無得怨任何人就連我穿水入院到生得嘅時候佢無出現過身邊我都無資格去怨因為係自己選擇。不過消失前我最大嘅願望係我好想佢能夠抱下芒果仔,我好想俾芒果仔感受下有爸爸嘅感覺雖然佢唔知但只少俾佢知佢係有爸爸,同時影一張佢地兩父子嘅相等佢大個都有張同爸爸嘅合照呢個係我今年生日嘅願望。所以當我抱住芒果仔望住芒果仔訓教個樣,食奶個樣,嘟嘴個樣,發夢傻笑個樣嘅時候…我真係覺得依家有佢就夠啦!因為芒果仔唯一親人只有我,而我唯一親人只係得返佢。真真正正嘅相依為命,不離不棄。我要用我一生去保護呢個仔,因為呢個仔出世無其他BB咁幸福有好多人疼錫,無人在意佢嘅出世。佢同我一樣都係受到不聞不問嘅對待,不過幸運嘅係佢仲有一個疼錫佢嘅媽媽。我唔會俾任何人傷害我嘅小朋友,無論係軒軒定芒果仔。兩兄弟都係我嘅命根,我寧願無愛情都唔會放棄佢地。男人我可以唔要愛情我都可以唔要但仔無左就搵唔返,芒果仔!別怕有我在,將來媽咪會陪伴你睇住你成長嘅每一步。今日醫院屋企兩邊走10點30,1點30,4點30,5點30。來來回回咁奔波個人已經好攰好暈,而且子宮入邊已經好痛。但我都要撐住!加油啊…芒果仔係醫院等緊媽媽陪,等緊媽媽照顧!我知我一定撐得住
請輸入密碼

溫度日記 Hearty Journal

刪除 貼上