每次封鎖佢whatsapp同電話嘅時候，我諗佢第一時間嘅感覺會係覺得我又發作。但佢又點會去諗到封鎖佢嘅背後原因係其他呢… 每次封鎖佢前都總會係有D事或問題令我不安令我好想去避開佢。係前果幾個月入邊所發生嘅事俾我嘅傷害如果我話我真係可以忘記可以放低根本就係講緊大話，有D嘢傷左就係傷左只不過係視乎要用幾耐時間先會埋口唔再流血唔再痛，但好返之後傷口上就會留低一個傷痕當做紀念品。我無學過煉金術所以我唔會好似鋼鐵咁硬淨，只係身邊嘅人同事去令我要扮演一個打不死非一般堅強遇到任何事都撐得起嘅女生… 係佢面前我已經好努力咁做一個唔帶麻煩俾佢嘅女朋友，我只係想令佢開心令佢覺得有一刻嘅輕鬆時間忘記平時嘅壓力。其實我好想佢會俾返多D安全感我，你明嗎？