其實佢自己到底有無留意到自己只會每逢星期一、三、五係九龍做嘢嘅當日佢先會講老婆係身邊，佢老婆接收工，一堆堆解釋佢因咩原因而唔方便嘅理由。好出奇嘅係相反佢係新界做嘢反而佢老婆先唔會出現佢身邊甚至接佢放工之類，可能真係有咁多嘅巧合吧！我相信咁樣自我安慰個心會係最舒服。今日我問佢可唔可以打俾我嘅時候，其實我都有問過我自己點解叫佢打俾我都好似要批准咁…你到底知唔知道自己已經好耐無主動打過電話俾我啦，每次都係我叫你先會打黎搵我…唔叫真係唔會打電話黎搵下我問下我做緊咩，除左朝早主動叫早晨外你又有幾時會主動搵我？每次都係我去做主動，你又有無留意到？點解每次我一感覺到幸福嘅時候都總會有唔同嘅原因令我想退後，你到底知唔知我要用幾多嘅勇氣先敢再次去捉住你手？