如果可以永遠都停留開心嘅時間就好啦…係呢幾日同佢嘅關係真係好左好多而且仲開心左多，個感覺就好似返左去以前初初咁。雖然對住佢嘅時候總係欠缺安全感，但我明白有好多問題唔係一時3刻就可以話忘記就可以忘記…過去大家都有好多地方做得唔夠好，唔可以完完全全將所有責任推曬佢身上。不過諗返起前兩日真係唔知咩原因同平時真係好唔同感覺係好甜好甜，同埋越黎越愛眼前嘅呢位男人。攬住佢嘅時候會有種被保護被愛嘅感覺，但奇怪嘅係我竟然會好似初初咁怕羞逃避佢眼神…好怕佢眼定定咁望住我。佢一定格咁望住嘅時候我就會心跳加速唔知自己想點左騰加騰但偏偏佢就係鍾意見到我咁嘅樣。（ T_T 蝦我嘅… ） 其實我真係好想做一個小女人，唔鍾意自己太硬淨太堅強。就好似有個陌生男人入左屋話檢查水喉但佢檢查完又唔捨得走，我果陣好想好想老公佢會快D黎到因為我真係好驚驚。雖然老公黎到嘅時候條友走左，但都只係岩岩走咁都算及時趕到。當我見到佢嘅時候其實我係好想攬住佢但又要追打波波所以先無攬到，但老公一黎到波波就覺得佢係黎救佢唔洗俾我打 -_-# ，哈哈！