溫度日記
Hearty Journal

4月 12日的日記
今日我竟然會為左哄佢開心而做左一樣我人生第一次嘅事,或者好多人會話我白痴。但唔知點解聽到佢開心嘅聲線我竟然覺得值得,如果係過去嘅男朋友我諗我真係會剷佢剷到上天花板痴實跌唔返落黎但佢偏偏就係另類嘅一個。今日佢個傻瓜明顯俾我感覺到佢呷醋我去搵朋友同緊張我去邊同著咩衫出去,佢好耐都無俾過呢種感覺我啦真係遺失左好耐嘅感覺。到底係D咩嘢驅使佢突然間會咁呢?我都好想知道個原因… 不過點都好,呢種感覺係一個好嘅開始…我好希望會一直保持住呢種甜甜嘅感覺。佢收工嘅時候同佢傾左陣電話,我發覺佢今日把聲真係比平時嘅好唔同…比平時溫柔左同淫邪左(^ω^)仲要係非一般嘅淫邪。哈哈哈哈… 不過呢,佢都仲係成舊飯咁…唔識得分我咩時候同佢鬥氣咩時候真係發脾氣,飯牙飯…其實我真係好想你會好似以前咁去哄我笑哄我開心因為我嘅快樂來源就係你。不過你已經進步左好多架啦,大家一齊努力重新建立感情同信任。雖然個結果都仲係未知數,但至少我地都有為對方努力過今生無悔。黃詠豪我想話俾你知我澈底衰在係你手上呢生呢世我都走唔甩你嘅5指山。

溫度日記 Hearty Journal