至細就已經聽D大人講親情無價，就算係外面點辛苦返到屋企仲會有屋企人支持你。唔知係我屋企特別另類定還是我真係佢地口中嘅累人累物呢，我反而覺得係屋企仲辛苦過係外面流離浪蕩嘅時候。做人就係咁無奈，明明有家但歸不得…明明有親人但視自己為外人…明明問心無愧但受眾人唾罵… 我知道其他人無必要對自己好，而幸福都唔係必然所以我一直都會好珍惜。或者就係太過重視，當見到身邊重視嘅人和物不斷地轉變…變得好陌生嘅時候內心果種失落已經無任何文字可以表達到。由其當自己被視為透明，無人關心無人理會，想搵個人聽下自己講嘢都無嘅時候原來真係比死更難受。可能呢D係上天俾我嘅考驗吧…捱過就會天晴！再難行嘅路都總要咬實牙關行落去。自知自己背後無依靠所以更加要堅強撐落去， 無人疼錫自己唔緊要我自己識照顧自己疼錫自己。明知山有虎，偏向虎山行…其他人越睇死我我就越唔俾佢地睇死