到底身邊會有邊個係在乎我嘅存在？無論係朋友，情人，定親人我感覺唔到有存在感總係可有可無…而我更加越黎越怕打擾到佢地，特別係我重視嘅人！我係好想有個人會聽我講嘢，會關心我會知道有我呢個人存在。而呢個懂我嘅人又會幾時出現呢？面對住黃生，我覺得自己越黎越唔敢透露太多內心感受俾佢知！一來佢總係俾我覺得無興趣想知二來我再做得幾溫柔體貼，幾善解人意都好…佢都已經唔再係以前愛我嘅那位！我好想就咁消失唔再出現，對呢段感情我真係好想就此放手…我唔知依家係為咩原因而去堅持！我唔大貪只係需要關心，被愛，重視同不離不棄。但我依家每日開心唔開心有人知嗎？我同BB嘅健康狀況有人關心嗎？我心入邊有好多嘅苦有人願意聽嗎？每晚一個人哩埋喊有人心疼嗎？當我孤立絕望嘅時候有人保護我嗎？通通都無…… 而我嘅感受又有邊個會去顧及過？永遠都要我去遷就，永遠都只係得佢地有難處而我呢？有邊個會去諗下我感受牙？就算我點講點表達都好會有人願意去聽咩？無人會察覺到我臉上已經失去左笑容，無人會留意到我變得好靜唔多講嘢。其實我都有好多嘢都會怕都會擔心，入院嘅嘢我咩都未準備，bb嘅衫奶粉尿片都未買，我唔敢自己一個人係街周圍行因為我怕自己突然暈低， 我唔敢去諗我突然要生嘅時候我可以打電話搵邊個求助。我越黎越覺得就算我死左都唔會有人察覺到，但或者對我黎講係一個解脫。依家過緊嘅日子真係苦到連我自己都唔想行落去，我已經去到絕望無力再去撐下去。其實我依家每晚唔敢自己一個人訓，好無安全感好孤獨。到天光個人終於好攰好攰之下終於訓著，但我已經好耐無好好訓一教…因為每一個鐘我都會發惡夢扎醒一次而呢個惡夢就係見住自己被自己一直重視嘅人一個一個咁遺棄。鐵人總會有攰嘅一日…當我抬頭望住個天明明彩色嘅天空已經變成一片灰灰黑黑嘅天空。《他靜悄悄地來過他慢慢帶走沉默只是最後的承諾還是沒有帶走了寂寞我們愛的沒有錯只是美麗的獨秀太折磨她說無所謂只要能在夜裡翻來覆去的時候有寄託》林浚傑-她說歌詞意思： 兩個相愛的人沒有錯，只是當愛情剩下一個人的時候，成了一種寂寞的折磨，但是女孩害怕尋覓新的戀情，所以只想在夜裡，有個可以思念關心的人。女孩自我安慰，認為愛情要熬到最後才會美麗，只是當美好的回憶都回憶完了，殘酷的現實還是沒有進展，沒有動靜。男人還沒說分手，女孩不敢離開，就像是綠葉再追隨一朵花，苦苦的追隨，苦苦的崇拜，但最後還是得面對分手刺痛的滋味，而害怕的是每天睡醒後的清醒，而不是睡醒時分的天明。