一直以黎我只係希望會有一個溫暖而有親情嘅家同一個愛我珍惜我對我不離不棄嘅男人。對於好多人呢D係好簡單嘅事，但對於我黎講比起叫我摘天上邊嘅星星落黎仲要難。 係我心目中一個會願意去了解我，會聽我講嘢明白我需要D乜嘅人其實係好珍貴。因為從來我都係屬於被遺棄遺忘嘅一群，我到底存唔存在係呢個世界對其他人黎講根本就無關痛癢所以一直以黎我都無咩存在感。我好想身邊會出現一個關心我重視我嘅人，呢個人曾經有一剎那出現過…但之後佢無聲無息咁消失左。 我好掛住呢個人，係佢出現嘅果段日子係除左軒軒出世之外會令我覺得真正開心嘅日子。呢個人佢岩岩識我嘅時候，佢明明唔鐘意睇咁多字但竟然會一晚睇晒我朋友圈所有嘢，之後仲會每日都睇我日記了解我內心多D，有時我忘記打佢仲會提我打返日記。我電話好耐都無人主動打黎響過啦…而且好耐都無再聽到有人主動講聲掛住你或我愛你。 由佢消失左之後我就慢慢咁變返昔日帶住面具嘅我，面具上嘅表情係好開心咁笑住面對任何人但係面具嘅背後其實係充滿眼淚而根本一D都唔開心，我唔想俾身邊嘅人見到我真正嘅果一面，因為自問又有邊個真係真心相對？對於身邊嘅人同事我唔敢去信同依靠。所以只有夜晚自己一個人嘅時候我先可以安心咁除低呢個面具。唔知呢個人仲會唔會出現伸手去幫我抹掉眼淚，只有你先會明白我嘅傷口有幾深有幾痛只有你先會感受到我原來撐得係有幾攰。多謝你曾經俾我感受過不許你注定一人同相依為命嘅感覺。