喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

3月 29日的日記
今日佢抽左小小時間出黎見左我一陣,正常應該係開心先岩但竟然係相反。就算佢企左係我眼前,就算我攬住佢…唔知咩原因我都係覺得好陌生,係佢身上我感覺唔到佢當初果份愛我嘅感覺… 簡單D講人在心不在。佢對住我嘅時候我無再見佢笑過而且佢唔再同過去一樣會放低電話珍惜同我短聚嘅一刻,我知有好多嘢真係無得迫或強求…但如果同我一齊會令佢辛苦令佢唔開心,我真係情願放手! 我唔想見到一個唔開心唔笑嘅佢,如果我嘅離開可以換到佢當初那個笑臉我會願意咁做。 只要佢開心就夠,或者我真係佢生命中嘅一位過客…而真正令佢開心嘅人唔會係我。我好信命運安排,可能就係我太任性先做錯好多決定。我係感覺到佢好多時迴避我地嘅bb問題,其實唔多唔少我係有唔開心過!但生出黎呢個責任我清楚知道係要自己一力承擔,我明白到佢始終都係有老婆仔女嘅男人。我地由一開始就應該知道婚外情注定無結果注定唔可以有BB,只係我一意孤行去決定生出黎。我知道到我生嘅果日都係得自己一個去見証小生命出世,又或將來佢地成長路上都只係得我一個去陪伴佢地。呢樣係我最對唔住肚入邊對小小寶貝嘅遺憾,其實我都唔想有一日突然離開佢嘅身邊但我知自己總有一日係要離開。始終我都係一個唔應該出現嘅人,係自己仲會出現佢身邊嘅日子入邊我真係好希望可以見返昔日果位笑容好傻更更而且愛我嘅果位黃生。
請輸入密碼

溫度日記 Hearty Journal

刪除 貼上